DANZA NO CAMIÑO é un proxecto coreográfico que propón unha visión do noso Patrimonio a través da arte, da danza e da música, dos seus intérpretes e compositores, tendo como principal motor de inspiración o Camiño de Santiago ó seu paso por Galicia.
O proxecto que aquí se presenta como DANZA NO CAMIÑO é a extensión en Galicia dun programa realizado en Castilla y León desde 2019 denominado Danza en el Camino. En moi pouco tempo este programa soubo facerse un referente valioso no panorama Español en canto a eventos de Danza na rúa se refire.
Agora exponse un novo proxecto que é entrar na Comunidade de Galicia, a través dunha Gala en tres localidades: Santiago de Compostela, Sarria e Portomarín. Desde 2022 “Danza no Camiño” en Galicia e “Danza en el Camino” en Castilla y León xuntaranse para poder disfrutar nun total de 12 localidades do Camiño de Santiago das comunidades de Castilla y León y Galicia, algo inusual, único, sen precedentes en canto a manifestacións artísticas de danza na rúa e en canto a número de autonomías, deputacións e concellos.
O enorme potencial que encerra a Ruta Xacobea é a impulsora deste éxito que, xunto á Danza, establece un vínculo exemplar, unha amalgama artística que serve de catalizador para que outras Autonomías anexas ao Camiño de Santiago queiran tamén disfrutar deste gran espectáculo.
Danza no Camiño 2023 en Galicia:
19 de xullo - 21:00h: Praza da vila. Sarria
20 de xullo - 21:00h Praza do Camiño. Portomarín
21 de jxullo - 20:00h: Praza de San Martiño Pinario. Santiago de Compostela. Compañía Invitada iXa con su especdtáculo Ollos cara adentro.
Danza no Camiño 2022 en Galicia:
20 de xullo - 21:30h: Praza da vila. Sarria
21 de xullo - 21:00h: Praza do Camiño. Portomarín
22 de xullo - 20:00h: Praza de San Martiño Pinario. Santiago de Compostela
‘Danza no Camino’ está dirixido polo coreógrafo Alberto Estébanez e organizado pola Junta de Castilla y León co patrocinio da Xunta de Galicia e Xacobeo 21_22 a través de AGADIC (Axencia Galega das Industrias Culturais) e a Axencia de Turismo de Galicia a través da súa convocatoria de proxectos O Teu Xacobeo, e co apoio das diputacións de Burgos e León e os concellos de Belorado, San Juan de Ortega, Burgos, Villalcázar de Sirga, Carrión de los Condes, Astorga, Ponferrada, Sarria, Portomarín, Santiago de Compostela e León, ademáis de SóLODOS e o Museo Guggenheim Bilbao no marco do seu programa TopARTE.
Tres estreas absolutas
A primera das obras na xira leva o selo da compañía italo española afincada en Friburgo (Alemania) Frantics Dance Company. Interpretada por Marco di Nardo, Diego de la Rosa, Carlos Aller e Juan Tirado, ‘Dystopian‘ convida ao público a «vivir o momento presente». Desde que no 2014 firmaran o seu primeiro traballo, titulado ‘Praesens’, Frantisc colleitou importantes galardóns no circuito internacional de festivais. Outra das obras seleccionadas é ‘Simposio’, da compañía italiana Bellanda. Interpretada polo seu coreógrafo, Giovanni Leonarduzzi, xunto á bailarina Claudia Latini, o espectáculo propón mirada sobre a sociedade actual e a dinámica das relacións sociais que xurden nela: «a dificultade de atopar, manter e cultivar unha relación de parella nunha sociedade que empuxa cara a un individualismo máis forte e que conduce a unha menor aceptación do compromiso da parella».
A terceira e última das obras é ‘Estancia paisaje’. Esther Latorre e Hugo Pereira, membros do Colectivo Glovo, e Fran Martínez e Paula Quintas defenden en escena esta composición coreográfica creada específicamente para esta xira e estos espazos. A montaxe xira en torno á capacidade de «poñer o corpo para reencontrarse co propio corpo, reinventalo e reinterpretalo».
