Desde a plataforma cultural, social e ambiental SóLODOS queremos compartir un espazo para o desenvolvemento da arte escénica contemporánea. 

·Xenerar un lugar para o estudo, desenvolvemento do pensamento e a creatividade. 

·Un espazo que facilite a mobilidade artística internacional, local e rexional.

·Un lugar onde se promova a experimentación, en colaboración coa comunidade artística local e internacional.

·Un espazo para xenerar e intercambiar, mobilizar ideas, proxectos entre institucións, axentes socioculturais, artistas, pedagogos, deportistas, investigadores.

O Espazo de Creación e Investigación SóLODOS desenvólvese nun contexto próximo á natureza, atópase ubicado en San Pablo de Barva de Heredia, Costa Rica. Ademáis está situado nas proximidades dos Parques Nacionais Volcán Barva e Volcán Poás, que sen dúbida aportan as condicións óptimas para procesos creativos e de investigación.

O pobo de Barva de Heredia é onde se realiza anualmente o Festival Internacional SóLODOS EN DANZA, proxecto que xunto con este novo espazo, pretende potenciar acontecementos culturais e provocar unha mobilización de creadores, pensadores, investigadores, xestores, intérpretes, mestres, persoas interesadas na cultura, a arte social e o medio ambiente.    

Ademáis o Espazo de Creación e Investigación SóLODOS está colindando cun dos maiores centros de recuperación de materiais para a reciclaxe en Centroamérica: oCentro de Acopio “La Sylvia”. Empresa colaboradora do proxecto.

A aula-espazo para a investigación e traballo escénico, fortalece a rede internacional de colaboracións que organiza SóLODOS cos seus diferentes proxectos de mediación cultural. É unha ferramenta internacional para o desenvolvemento da cultura, que mellora a calidade de vida das persoas. O proxecto utiliza unha serie de estratexias de xestión cultural entre  os seus colaboradores para dar visibilidade aos proxectos que acontecen neste espazo.