Danza no Claustro 2020

EN CARTEL

OUTROS PROXECTOS

REPERTORIO

CÍA. SóLODOS

SóLODOS EN DANZA

WORKSHOPS

2020 Danza no Claustro

Claustro de Santa María de Xunqueira de Espadanedo · Ourense

21 de Agosto de 2020 · 20.30h

Danza no Claustro é unha proposta escénica exclusiva, un proceso de creación e investigación que se realiza anualmente no Claustro de San Francisco, na cidade de Ourense: habitar o claustro con danza. Os artistas internacionais e locais desenvolven unha proposta escénica en conxunto, compartindo os seus coñecementos e experiencia nun espazo histórico e importante para a cidade de Ourense.

Esta programación realízase anualmente en Xuño, desde 2013, no Claustro de San Francisco coa colaboración da Concellería de Cultura do Concello de Ourense.

No 2020 e debido ás circunstancias derivadas da COVID-19 soamente se poderá celebrar a extensión prevista en Xunqueira de Espadanedo.

Nesta ocasión a compañía convidada é Tejido Conectivo de Madrid (Andrea Amor e Miguel Ángel Punzano) coa súa peza Plena.

Creación e interpretación: Andrea Amor e Miguel Ángel Punzano

Duración: 20 min.

Que se faga eco a danza de todos os corpos.
Que nos baleire a danza do silenzo.
Que a danza incendie todo dogma.
Que nos vistamos coa danza do espido,

que abrase todo artificio.
Que nos atravese unha danza na fronteira.
Que nos abrace a danza prohibida, a danza do marxinal.
Que volva a danza do polvo e do suor.
Que retumbe a danza dos ósos.
Que nos sorprenda unha danza para as moscas

para as bolboreta, para o pequeno, para o non visto.
Que sexa eterna a danza de todos os días.
Que a danza derrumbe as paredes da cultura propia.
Que nos abrande a danza do inxenuo.
Que nos levante a danza do co-habitar,

que pulverice todo o inhabitable.
Que se celebre a danza de ninguén.
Que nos nutra a danza das avoas.
Que nos encontre a danza do balbucido, da mala letra.
Que apareza a danza fronte ao muro de néboa.
Que nos ampare a danza do sutil.
Que a danza sacuda toda pretensión de elocuencia.
Que nos libere unha danza sen xustificación.
Que resone unha danza que aniquile a nosa vergoña.